Ang Tim-os Kung Gugma Kanimo
May Akda: Joel Español Maturan
Sa imong mga mata
nakita ko ang langit,
Uban sa panagway
mong hingpit,
Ang kalipay nga
akong namatyagan,
Lagbas ang katam-is
sa akong dughan.
Panagway mong daw
samag bulawan,
Nga sa akong dughan
mipatigbabaw.
Apan ang imong
kasingkasing sa lain mipahiluna,
Bisan sakit, akong
ipiyong ang akong hunahuna.
Kay ang Gugma dili
mamugos,
Sa taong tinoud
nagmahal ug nagpa-ubos
Kung Siya man ang
imong gipili
Ang akong gugma
dili magdumili.
Sa pagdawat sa
gugmang wala gipili.
Apan kung ikaw
muhatag panahon kanako,
Ang akong
kasingkasing andam mudawat sa way liko-liko,
Kung ikaw mungari
kanako,
Imong mabati ang
gugma ug pagpangga nako,
Sa matag- adlaw ikaw
akong atimanon,
Aron wala ka nay
laing pang pangitaon
Kay ang ihalad kong
gugma kanimo,
Matam-is, ulay ug
sakto sa imong pagkatao.
Kay kung karon mao
na ang tukmang panahon,
Ang akong
kasingkasing naghulat kung kanus-a nimo sugton?
